سياسة أبليس

لا شك ان الشيطان عدو للانسان منذ بدأ الخليقه وكلنا يعلم قصة ادم وحواء مع الشيطان الذى سول بالاكل من الشجره المحرمه ولكن كيف يؤثر الشيطان علينا الان ؟ الان هناك كثير من الاشياء التى يستطيع الشيطان ان يغوى الانسان بها.اكيد وانت جالس منفرد فى البيت الشيطان يوسوس لك ويقولك بص على بنت الجيران فى الشباك او لو انت قاعد قدام الكمبيوتر يقولك ادخل اتفرج على المواقع الاباحيه بس يا ريت بيكون الامر مباشر لأ الشيطان بيخدك بالتدريج مره تبص على بنت الجيران ومره تعكسها وهكذا لغايه ما يوقعك فى معصيه كبيره .لازم نفرق بين الشيطان وبين النفس بمعنى انى النفس ممكن تأمرك بالمعاصى وممكن يكون لها تأثير اكبر من الشيطان وخلى بالك من شياطين الانس لانهم بيأخذوا الجزء الاكبر فى حياتك لما صاحبك يقولك تناول السيجاره جرب مره تفوت ولا حد يموت جرب وبعد كده تشربها لما تتنرفز وتقول انها بتهدى اعصابك وبعد كده تقول انها عاده ومش قادر تسيبها كده يبقى شيطان الانس اتغلب عليك ولو كل واحد فينا اعتبر الشيطان ده انسان ويفكر شويه فى كلامه متهيألى انه هيقدر يتغلب عليه .البنت برده لازم تأخذ بالها قوى من الشياطين الى حوليها وتعرف انها لو طوعتهم اكيد هتقع فى معصيه يعنى لما تنزلى مع صحبتك وتشترى ملابس مش لازم لما تقلك ده كويس يبقى كويس اختارى انت الى ينسبك طبعا انا كنت اقصد ملابس مش محترمه وبرضه لما صحبتك تقولك تعالى لما اعرفك على اصحابى الشباب خلى بالك لانك كده دخلتى اول درجات الضعف والقرب من المعصيه.تعرفوا يا جماعه المشكله انى احنا فى الاول مش بيكون قصدنا نعصى ربنا بس لما بنقع فى المعصيه بنتوه وبنبعد وكل ما بعدنا عن ربنا ربنا بعد عنا خلى بالك من البدايه فكر او فكرى فى كل الى انت او انتى بتعمليه هو ده يرضى ربنا ولا لأ واعرف او اعرفى انك علشان تتغلبى على الشيطان لازم تحاربيه بسلاح اقوى منه وهو ذكر الله ( سبحانه وتعالى ) كده انت هتكون اقوى من الشيطان ولو وقعت فى المعصيه متقلش خلاص وتستسلم لأ ارجع الى ربنا وتوب واستغفر وادعى ربنا يقف جنبك ويساعدك علشان تبطل المعصيه بس خذ بالك مش تكون انت مصاحب الشيطان وتدعى انى ربنا يساعدك لازم تفكر وتبعد عن الشيطان وتنوى تتوب. من
ahmed.alatawy@yahoo.com